Bezeroa
Lindström
Proiektua
Edge
Urtea
2022
Bezeroa
Lindström
Zerbitzu nagusiak:
Markaren estrategia
Markaren identitatea
CMF estrategia
Produktuaren diseinua
Bisualizazioa
Arte zuzendaritza
Proiektua
Edge
Urtea
2022
Sektorea: Esku tresna
Testuingurua: Lindström, SNA Europeren marka, Snap-on taldeko kide da, eta 1920tik, mundu mailako profesionalen artean ezagunak diren kalitate goreneko esku tresnak fabrikatu eta banatzen ditu.
Lindströmek, merkatuan nitxo berri bat identifikatu ondoren, Edge by Lindström azpimarka sortzea erabaki du, nitxo emergente horren eskakizunei erantzuteko.
Erronka: Proiektu honetan, lankidetzaren ezaugarriengatik, erronka bikoitz bati aurre egin behar izan diogu. Alde batetik, Edge azpimarkarako identitate korporatibo bat sortu dugu, merkatuan duen posizionamendu berriarekin bat datorrena eta, aldi berean, Lindström marka matrizearen nortasun bisualarekiko lotura mantenduz. Bestetik, identitate berri horren ildoak enpresaren produktuari helarazi dizkiogu, hori guztia irudi bisual koherente batekin.
Prozesua
Narratiba
Marka berria “bi munduren” artean dago aldi berean.
Edge izena ingelesezko hitzaren esanahitik dator, hau da, ertza edo muturra. Ezaugarri horri tiraka, hainbat bide aztertu ditugu esanahia grafikoki indartzeko.
“Edge” hitza osatzen duten “E” letrek hitzaren muturrak markatzen dituzte eta, horregatik, hizki horiek oinarri hartuta, bi kortxete irudikatu ditugu hitzaren hasiera eta amaiera definitzeko.
Baliabide grafiko horrek mugak bisualki irudikatzeko aukera ematen digu, enpresarentzat helburu den nitxoa ere mugatuz.
Wordmarka
Edgerako proposamenak, Lindströmek ez bezala, hizki larriak ditu, ibilbide eta garapen luzea duen marka nagusiaren ezagutza eta presentzia transmititzeko. Gainera, letrak garbi ebakita eta lerrokatuta, profesionaltasuna eta zehaztasuna transmititzea lortzen dugu.
Logotipo malgu, funtzional eta polibalentea da, hainbat eskala eta euskarritara erraz egokitzen dena.
Simetriaren efizientzia.
Aliketen ezaugarrietako bat da ez dutela posizio jakin bat, eta, horregatik, kokapena edo postura edozein dela ere, ondo irakurtzea ahalbidetzen duen logotipo bat landu dugu.
Wordmarka modu simetrikoan diseinatuta dago, aliketen posizioa edozein izanda ere, Edgeren irakurgarritasuna bermatzeko.
Logotipoa ikuspegi industrial batetik lantzea.
Edge aliketek berezitasun bat da heldulekuen zorroak injekzio bikoitzez fabrikatzen direla. Lehenik, material gogorra injektatzen da, eta ondoren, material malgua, siluetaren inguru guztian zabaltzen dena. Ezaugarri hori gehitu diogu, izan ere, logotipoa geometria itxiz osatuta balego, D letraren kasuan bezala, barnean sortutako espazioa (kontraforma) ez litzateke bigarren injekzioarekin beteko.
Ondorioz, letra irekiak aukeratu ditugu logotipoa eraikitzeko, eta, horrela, prozesu produktiboari beste eragiketa bat gehitzeko beharra saihestu dugunez, fabrikazio kostuak murriztu ditugu, baliabideak alferrik galdu gabe.
Imago
Lindströmi keinu bat egiteko modu sotil bat.
Abiapuntu gisa, Lindströmen ikono korporatiboa identitate bisual berriaren, hain adierazgarria den, “E” letrarekin konbinatu da, Lindström markarekin modu errazean erlaziona daitekeena eta estilo bisual koherente bat mantentzen duena.
Produkturako grafika
Produkturako grafika espezifikoaren aldaera bat.
Edge Lindströmetik sortutako marka bat da. Marka matrizearen jakinduriaren “emaitza” den heinean, ikonoaren negatiboa erabili da azpimarka berriaren testuren diseinuan sartzeko, sorrerako firmari keinu bat eginez.
Paperezko aplikazioetarako eta aplikazio digitaletarako grafika
“E” letren arteko “kota” hori transmititzen jarraitzea.
Kontzeptuari ahalik eta etekinik handiena ateratzeko eta Edgeren merkatu nitxo berriak mugatzen duen “kota” hori transmititzen jarraitzeko, Edge hitzaren lehen eta azken “E” letretatik abiatuta eraikitako hainbat elementurekin jolastu da, hainbat soluzio grafiko sortzeko.
CMF estrategia
CMF kolore, material eta akaberen tratamendua (Colour, Material and Finish) da. Kasu honetan, koloreen paleta, behar eta aplikazio askori lekua egiteko diseinatu da, itxura optimizatuz eta sektore bakoitzerako kolore espezifikoak erabiliz produktu zorro koherente bat ziurtatzeko.
Gama kromatikoa produktuaren ikuspegi batetik lantzeak identitate korporatiboari ahalik eta etekinik handiena ateratzea ahalbidetzen du. Malgutasuna ematen duen eta produktuen arteko harremana bermatzen duen CMF estrategia landu da, gama zabaltzeko eta etorkizunean diseinatuko diren produktuen hainbat agertokitara egokitzen laguntzeko.
Nare ekinean
Markaren estrategiari buruz hitz egin nahi duzu?
Antzeko lanak
